DÍA DA PAZ

 

Corre, corre cabaciña

 Durante o mes de outubro a profe Marisa de EI, traballou o conto de "Corre, corre cabaciña" cos nenos/as de 5 anos, e para rematar fixeron un vídeo, onde se ve como representan este conto.

      Quedoulles moi chulo!      Foi un gran traballo! 

O MAGOSTO

 

                                                     (Pica na imaxe para ver as imaxes)

 Onte tivemos a celebración do magosto!

Tivemos xogos populares, comemos bolos preñados e castañas (damos as grazas a AMPA por colaborar con nós, nesta merenda para o noso alumnado) e bailamos para celebrar este día.

Actividades polo SAMAIN

Xunto co Equipo da biblioteca propuxemos para esta semana as seguintes actividades

Seguro que o ides a pasar de medo nesta semana: Preme nas imaxes para ver máis...

 

O Samain

 Achégase a festa do Samain e xa nos estamos preparando no cole para celebralo con diferentes actividades.

Dende o EDLG deixámosvos uns videos explicativos desta festividade.

COMEZAMOS UN NOVO CURSO

 Dende o EDLG dámosvos a benvida ó curso 2023-24

Un ano máis traballaremos en prol da nosa língua, propondo actividades que impliquen o uso do galego e colaboraremos co resto dos Equipos do centro para propor novas actividades en favor da nosa cultura.

LETRAS GALEGAS 2022

 A Real Academia Galega dedícalle o Día das Letras Galegas 2022 ao escritor valdeorrés Florencio M. Delgado Gurriarán, pola súa contribución á defensa do noso idioma e a nosa cultura.

A continuación deixamosvos uns enlaces donde vades encontrar: información sobre a vida e a obra deste autor, así como actividades para traballar polo Día das Letras Galegas.

Seminario Galán

Primavera das Letras 

Hector Cajaraville autor do libro "Florencio Delgado Gurriarán. Polos vieiros da saudade", fálanos no seguinte vídeo sobre este poeta. 

 

Raúl Diz, compoñente do grupo "Os Amigos dos Musicos" Lanza un EP con cinco cancións as que lle pon música a cinco poemas Florencio Delgado Gurriarán (Córgomo, 1903 – Fair Oaks, 1987), autor ao que se lle dedica neste 2022 o Día das Letras Galegas. 'De Córgomo a Fair Oaks' é o título baixo o que se presentan unhas cancións que viaxan, como fixo o poeta, dende terras galegas ata América. "Ao reiseñor", a canción que abre o álbum, é un poema de 1923 que permaneceu inédito ata 1999. Os outros catro poemas adaptados: "Liorta", "Miudezas". "Matanza", "Dores do agro" e "Aí vén o maio", pertencen á obra 'Bebedeira', publicada pola Editorial Nós en 1934. O álbum está editado por Todomedre e forma parte do catálogo da plataforma de difusión cultural galega A Regueifa 2.0.

Deixámosvos os enlaces para que os poidades escoitar cos vosos alumnos e eles nas súas casas.

 

 

 

MAIOS 2022

 O Domingo  celebramos unha festa moi especial na nosa cidade:  

OS MAIOS

CURSO 2021-2022

Dende o EDLG dámosvos a benvida o curso 2021-2022

Seguiremos propondo divertidas acitividades para disfrutar da nosa cultura. comezamos o curso con ganas e moita ilusión, e esperamos da vosa participación.

FELIZ CURSO A TODOS/AS

 LETRAS GALEGAS.2021

CEIP A PONTE. OURENSE

O cole da Ponte celebra a gran festa das LETRAS GALEGAS. Hoxe publicamos traballos realizados con gran esmero polo noso alumnado.

6ºA, B e C. Os alumnos e alumnas deste curso convídannos a escoitar un podcast sobre a vida e obra de XELA ARIAS.

5ºA. Judith Matías e Alejandro Sevillano escriben para deleite de todos nós os seguintes relatos.

     

5ºB. Os alumnos e alumnas Aitana Alvarado, Daniel González, Sabela Justo, Pablo González e Anne González escribiron estes extraordinarios contos. 

 

GRAN ESTREA!! CURTA DE ANIMACIÓN TITIRITESA.

O curso pasado, alumnos e alumnas de 4º curso comezaron unha curta de animación en modo stop motion. Esta curta quedou interrompida por mor da pandemia e a inicios do actual curso remataron este traballo. Os nosos parabéns para todos eles e elas polo esforzo, curiosidade e horas de dedicación. 

                         

                            

 LETRAS GALEGAS  2021  

Celebramos as LETRAS GALEGAS 2021 dando a coñecer a vida e obra da escritora homenaxeada, Xela Arias.

Preme aquí se desexas participar en variadas actividades que o SEMINARIO GALÁN nos propón sobre a autora.

Máis actividades para coñecer mellor a Xela Arias

PRIMAVERA DAS LETRAS. Visita esta páxina da Real Academia da Lingua Galega para acceder a actividades interactivas e actividades descargables.

Esperemos que gocedes con esta ampla recompilación de actividades para coñecer mellor a Xela Arias que nos ofrece AULAS GALEGAS.

O PORTAL DA LINGUA publica actividades dinamizadoras realizadas dende distintos centros educativos.

Velaquí un vídeo moi ameno no que Yolanda Castaño conta a vida de Xela Arias.

DÍA DO LIBRO 2021

Dende o Equipo de Dinamización de Lingua Galega, queremos celebrar esta semana do libro, publicando dous contos curtos escritos por un alumno e unha alumna de quinto curso. Esperamos que gocedes con estes relatos escritos na nosa lingua.

          

Se algún de vós quere achegarnos o seu relato escrito en galego, estaremos encantados de publicalo.

  

 LETRAS GALEGAS 2021

Este ano o día das LETRAS GALEGAS homenaxea a XELA ARIAS, escritora, poeta e tradutora galega que durante a súa curta vida traballou intensamente en prol da lingua galega.

No seguinte vídeo podedes coñecer parte da vida e obra desta ilustre escritora.

 

24 DE FEBREIRO 2021. DÍA DE ROSALÍA

PRESENTAMOS OS TRABALLOS REALIZADOS POLO NOSO ALUMNADO PARA CONMEMORAR O DÍA DE ROSALIA QUE ESTE ANO E SEGUINDO A PROPOSTA DA AELG, DEDICÁMOSLLO AOS POEMAS MUSICADOS DA NOSA SENLLEIRA ESCRITORA.

Nenos e nenas de E. Infantil realizan unha fermosa coreografía da canción Rosalía pequeniña. 

Alumnos e alumnas de 6º curso de Educación Primaria fan unha coreografía co tema MALAXENTE.

Alumnos e alumnas dende 1º ata 5º curso de Educación Primaria acompañan con instrumentos musicais e bailes  o poema musicado HAS DE CANTAR de Rosalía.

Alumnos e alumnas de 6º curso de Educación Primaria, recitan o poema CASTELLANOS DE CASTILLA, mentres se presentan traballos realizados polo conxunto do alumnado do noso colexio, para conmemorar o día de Rosalía.

 24 DE FEBREIRO. DÍA DE ROSALÍA

Si cantan es tí que cantas,

si choran es tí que choras,

i es o murmurio do río, 

i es a noite i es a aurora.

Velaquí unha prosposta para traballar a vida e obra desta ilustre escritora dende os distintos niveis educativos.

UNIDADE DIDÁCTICA PARA EDUCACIÓN INFANTIL

UNIDADE DIDÁCTICA PARA 1º E 2º CURSO.

UNIDADE DIDÁCTICA PARA 3º E 4º CURSO.

UNIDADE DIDÁCTICA PARA 5º E 6º CURSO

PREME NA IMAXE E PODERÁS ACCEDER ÁS MELLORES ACTIVIDADES SOBRE ROSALÍA

COÑECE UN POUCO MÁIS SOBRE A NOSA ILUSTRE ESCRITORA.

COMPROBA O QUE SABES DE ROSALÍA 

ENTROIODO 21

 XA CHEGOU O ENTROIDO E ÍMOLO VIVIR CON MOITAS GANAS. QUE A PANDEMIA NON NOS ROUBE A ILUSIÓN!!!!.

GOZA DO ENTROIDO CON ESTAS ACTIVIDADES E APRENDE UN POUCO MÁIS CON NÓS.

Canto coñeces do Entroido en Galicia?. Preme aquí e o saberás.

Xa estamos en tempo de Nadal e dende o blog da Lingua queremos compartir con vós actividades, panxoliñas e outros recursos propios destas datas. 

Preme nos seguintes enlaces e empeza a sentir o Nadal!!

Tí tamén podes participar na elección da PALABRA  DO ANO. Só tes que premer no seguinte enlace e antes do día 13 de decembro propoñer a palabra en galego que máis che guste. Despois e entre as palabras propostas poderás votar aquela que prefiras e así colaborar nesta elección. Anímate e fai a túa achega!! Algúns de nós xa o fixemos.

Esta proposta é da REAL ACADEMIA GALEGA  e a fundación Barrié. 

 

Velaquí a participación do Ceip A Ponte no certame O VOSO DÍA DAS LETRAS organizado pola RAG na PRIMAVERA DAS LETRAS

MAGOSTO 2020. CEIP A PONTE

Os nenos e as nenas de 6ºC recitánnos cantigas, coplas, adiviñas e demais ditos da nosa tradición polpular. As súas voces son acompañadas de imaxes da celebración do Magosto do pasado ano.

PRONTO VOLVEREMOS CELEBRAR O MAGOSTO QUE NÓS QUEREMOS.